HINARANGAN NG PULIS SA RALI
Pandaigdigang Araw iyon ng Kababaihan
lalaki man ako'y nar'on, sila'y sinuportahan
patungong Mendiola subalit Morayta pa lang
ay hinarang ng pulis ang mga kababaihan
magkabilaan ibinalandra ang dalawang trak
tila ba mga babae ay kalaban ng parak
Malakanyang ba'y takot na ChaCha niya'y masibak
kaya mga raliyista ay pilit sinisindak
"Labanan ang ChaCha ng mga trapo at dayuhan!"
"Kilos Kababaihan! Labanan ang Kagutuman,
Kalamidad, Karahasan..." na nais mawakasan
sigaw nilang iyon ay dumagundong sa lansangan
akala'y patungo ang mga babae sa gera
pagkat pulis pa ang mga humarang sa kanila
nais lang ipaabot na ayaw nila't ng masa
sa ChaCha ng elitista, pulis ay nangharang na
di man nakarating ng Mendiola, matagumpay
na naidaos ng raliyista't ng buong hanay
ang programang sa nagbabagang isyu'y tumalakay
sa kababaihan, taaskamaong pagpupugay!
- gregoriovbituinjr.
03.14.2024
* kuhang selfie ng makatang gala, 03.08.2024
Mga tula batay sa mga ulat sa pahayagan, napapanahong balita, at mga pangyayaring nilahukan ng makata.
Huwebes, Marso 14, 2024
Hinarangan ng pulis sa rali
Mag-subscribe sa:
I-post ang Mga Komento (Atom)
Komento ni Ivana hinggil sa pagtakbo sa halalan
KOMENTO NI IVANA HINGGIL SA PAGTAKBO SA HALALAN actress Ivana Alawi ay nagsabing totoo: "Di porke maraming followers, dapat nang tumakb...
-
SAHOD NG MANGGAGAWA, ITAAS! SAHOD NG SSS EXECUTIVES, BAWASAN! IBAHAGI SA MANGGAGAWA! Maikling sanaysay at tula ni Gregorio V. Bituin Jr. Sa ...
-
HINDI PA LAOS SI IDOL isang MMA fighter si Eduard Folayang na ilang beses nang nagwagi sa labanan nais niyang bumalik at lumaban sa ONE Cha...
-
KAYRAMING BASURANG PLASTIK SA MANILA BAY pinuna ng editoryal sa pahayagang Pang-Masa ang Manila Bay dahil sa naglutangang basura ano bang...
Walang komento:
Mag-post ng isang Komento